بالی ووڈ اداکارہ انوشکا شرما نے اپنے والدین کے ہمراہ ممبئی میں کروڑوں روپے مالیت کے تین لگژری اپارٹمنٹس خرید لیے ہیں۔
بھارتی میڈیا رپورٹس کے مطابق ان جائیدادوں کی مجموعی مالیت تقریباً 44 کروڑ بھارتی روپے بتائی جا رہی ہے۔رپورٹس کے مطابق انوشکا شرما اور ان کے والدین نے ممبئی کے علاقے ورسووا میں زیرِ تعمیر رہائشی منصوبے گودریج اسکائی شور میں اپارٹمنٹس خریدے ہیں۔ تینوں فلیٹس ایک ہی منزل پر واقع ہیں، جس سے خاندان کے افراد کو ایک ہی جگہ رہائش کی سہولت میسر آسکے گی۔میڈیا رپورٹس کے مطابق انوشکا شرما نے ایک اپارٹمنٹ تقریباً 14 کروڑ 89 لاکھ بھارتی روپے میں خریدا، جبکہ ان کے والدین نے اس سے متصل فلیٹ تقریباً 10 کروڑ 91 لاکھ بھارتی روپے میں حاصل کیا۔ ان دونوں جائیدادوں کی خریداری 8 جولائی 2026 کو رجسٹرڈ ہوئی تھی۔رپورٹ میں مزید بتایا گیا ہے کہ انوشکا شرما اور ان کے شوہر، معروف بھارتی کرکٹر ویرات کوہلی نے بھی اسی رہائشی منصوبے میں مشترکہ طور پر ایک اور اپارٹمنٹ خریدا، جس کی مالیت تقریباً 18 کروڑ 29 لاکھ بھارتی روپے بتائی گئی ہے۔
تینوں اپارٹمنٹس کی مجموعی مالیت تقریباً 44 کروڑ بھارتی روپے بنتی ہے۔ تاہم، چونکہ رہائشی منصوبہ ابھی زیرِ تعمیر ہے، اس لیے ان فلیٹس کی حوالگی جون 2031 تک متوقع ہے۔انوشکا شرما اور ویرات کوہلی کا شمار بھارت کی معروف شوبز اور کھیلوں کی شخصیات میں ہوتا ہے۔ ممبئی میں ان کی اس نئی جائیداد کی خریداری نے بھارتی میڈیا میں توجہ حاصل کی ہے۔
