ویب ڈیسک: بالی ووڈ کی ڈریم گرل ہیما مالنی نے ممبئی کے پوش علاقے اوشیوارہ کے اوبرائے اسپرنگز میں موجود اپنے دو قیمتی اپارٹمنٹس فروخت کر دیے ہیں۔
اپارٹمنٹس کی تفصیلات
بھارتی میڈیا رپورٹس کے مطابق یہ دونوں اپارٹمنٹس اگست 2025 میں رجسٹر ہوئے جن کی مجموعی مالیت 12.50 کروڑ روپے ہے۔ہر اپارٹمنٹ کی قیمت 6.25 کروڑ روپے طے ہوئی۔
دونوں اپارٹمنٹس میں فی کس 847 اسکوائر فٹ کارپٹ ایریا اور 1017 اسکوائر فٹ بلٹ اپ ایریا شامل ہے۔ہر ڈیل کے ساتھ ایک کار پارکنگ اسپیس بھی شامل رہی۔دلچسپ پہلو یہ ہے کہ ہر اپارٹمنٹ پر 31.25 لاکھ روپے اسٹامپ ڈیوٹی اور 30 ہزار روپے رجسٹریشن فیس ادا کی گئی۔
پس منظر
ہیما مالنی 1970 اور 80 کی دہائی میں بھارتی فلم انڈسٹری کی صفِ اول کی اداکارہ رہیں اور "ڈریم گرل" کے لقب سے مشہور ہوئیں۔ ان کا شمار نہ صرف کامیاب اداکاراؤں بلکہ ایک تجربہ کار سیاستدان اور کاروباری شخصیت میں بھی کیا جاتا ہے۔
ممکنہ وجوہات
اگرچہ ہیما مالنی نے فلیٹس کی فروخت کی کوئی سرکاری وجہ بیان نہیں کی، تاہم میڈیا میں قیاس آرائیاں جاری ہیں کہ اداکارہ مالی دباؤ اور قرضوں کے باعث یہ قدم اٹھانے پر مجبور ہوئیں۔ دوسری جانب ان کے مداحوں کا کہنا ہے کہ ہیما جی ایک کامیاب بزنس ویمن بھی ہیں اور غالب امکان ہے کہ یہ فروخت محض کسی اور منصوبے میں سرمایہ کاری کے لیے کی گئی ہو۔
