ویب ڈیسک:بھکر کے علاقے نذیر ٹاؤن میں ایک خاتون کو مبینہ طور پر اجتماعی زیادتی کا نشانہ بنایا گیا۔ پولیس کے مطابق، ملزم کو گرفتار کر لیا گیا ہے، جبکہ دوسرے ملزم کی تلاش جاری ہے۔
متاثرہ خاتون نے پولیس کو بیان دیا کہ ملزم نے پہلے ڈی ایچ کیو اسپتال میں چھیڑ چھاڑ کی اور اس کا موبائل فون چھین کر فرار ہو گیا۔ خاتون نے بتایا کہ ملزم نے بعد میں اسے موبائل فون واپس دینے کے لیے خانسر چوک بلایا۔ جب وہ وہاں پہنچی تو ملزم نے اسے نذیر ٹاؤن کے ایک گھر میں لے جا کر ساتھی کے ہمراہ اس کے ساتھ زیادتی کی۔پولیس نے مقدمہ درج کر کے ایک ملزم کو گرفتار کر لیا ہے اور دوسرے کی تلاش میں چھاپے مارے جا رہے ہیں۔ متاثرہ خاتون کو فوری طور پر ڈی ایچ کیو اسپتال منتقل کیا گیا جہاں اس کا طبی معائنہ کیا گیا۔اس واقعے کی شدید مذمت کی جا رہی ہے اور پولیس نے تحقیقات کا آغاز کر دیا ہے تاکہ دونوں ملزمان کو گرفتار کیا جا سکے اور انصاف فراہم کیا جا سکے۔
