دشمن اپنی خفت مٹانے کے لئے ڈرون بھیج رہا ہے : احسن اقبال

رواں مالی سال ملک میں  معاشی  استحکام آ یا ہے:وفاقی وزیر منصوبہ بندی کی میڈیا سے گفتگو 
اسلام آباد (آن لائن )   وفاقی وزیر ترقی  و منصوبہ بندی  احسن  اقبال  نے کہا ہے کہ بزدل بھارت نے  رات کی تاریکی میں چھپ کر حملہ کیا ،  مسلح افواج نے بزدل  دشمن کو منہ توڑ جواب دیا ۔  اپنی خفت مٹانے کے لئے  اب بھارتی  ڈرون بھیجے جا رہے ہیں ۔ میڈیا  سے گفتگو کرتے ہوے انہوں نے کہا   مسلح افواج نے بھارتی طیارے گرا کر قوم کا  سر فخر سے بلند کیا ۔   بزدل دشمن   اب اپنی خفت مٹانے کے لئے طیارے مار گرائے جانے کے بعد اب ڈرون  بھیج رہا  ہے ۔  انہوں نے کہا کہ رات کی تاریکی میں حملہ  کرنے والے  بزدل دشمن کی جارحیت   کا منہ توڑ جواب دینے پر مسلح  افواج کو  خراج تحسین  پیش کرتے ہیں ۔  انہوں نے کہا کہ   مسلح افواج نے بھارتی  رافیل طیارے گرا کر  بھارتی غرور  خاک میں  ملا دیا ۔  مسلح  افواج  ہر دم  انتہائی چوکس ہیں ۔  ملک میں معاشی استحکام پر گفتگو کرتے ہوے انہوں نے کہا   کہ  رواں مالی سال معاشی  استحکام آ یا ہے۔