ایران کی سمندری حدود میں پاکستانی ماہی گیر جاں بحق

 ماہی گیر کی میت ایران سے گوادر منتقل کر کے گنز پہنچا دی گئی ہے:نقیب اللہ کاکڑ
کوئٹہ (آئی این پی) ایران کی سمندری حدود میں ماہی گیری کے دوران پاکستانی ماہی گیر جاں بحق ہو گیا۔ڈپٹی کمشنر نقیب اللہ کاکڑ کا کہنا ہے کہ جاں بحق ماہی گیر کی شناخت طیب کے نام سے ہوئی ہے، ماہی گیر ایران کے صوبہ سیستان و بلوچستان کے ساحلی علاقے کے قریب شکار میں مصروف تھا۔نقیب اللہ کاکڑ نے کہا کہ ماہی گیر کی میت ایران سے گوادر منتقل کر کے گنز پہنچا دی گئی ہے۔ان کا کہنا ہے کہ واقعے کی مزید
 تفصیلات کے لیے ایرانی حکام سے رابطہ جاری ہے۔