شیر چوک گرین ٹاون کے علاقے میں ایک سنگین حادثہ پیش آیا جس میں کمرے کی چھت گر گئی۔
ریسکیو ذرائع کے مطابق یہ حادثہ بے قابو ٹریکٹر ٹرالی کی ٹکر کے نتیجے میں ہوا۔ مکان کی چھت ٹی آر گارڈر کی بنی ہوئی تھی، جو ٹریکٹر ٹرالی کی ٹکر کے بعد گر گئی۔حادثے کے نتیجے میں ایک شخص زخمی ہوگیا، جسے فوری طور پر طبی امداد فراہم کرنے کے لیے جناح ہسپتال منتقل کر دیا گیا۔ ریسکیو ٹیمیں موقع پر پہنچ کر امدادی کارروائیاں انجام دے رہی ہیں، اور ایمرجنسی گاڑیاں بھی جائے حادثہ پر موجود ہیں۔ریسکیو ٹیم کے مطابق حادثے کی تحقیقات جاری ہیں اور مزید تفصیلات حاصل کرنے کی کوشش کی جا رہی ہے۔ پولیس بھی جائے وقوعہ پر پہنچ گئی ہے تاکہ اس حادثے کی مکمل تحقیقات کی جا سکیں۔
