محفوظ طریقے سے رقوم کی منتقلی، اوورسیز پاکستانیوں کیلئے ڈیجیٹل والٹ کا اجراء

ڈیجیٹل والٹ سے 10 لاکھ ڈالر بھیجے جا سکتے ہیں، خلیجی ممالک میں اوورسیز پاکستانیوں کو بینک اکائونٹس کھولنے میں مشکلات حکومت نے یو بی ایل ، وزارتِ خزانہ اور دیگر شراکت داروں کے ساتھ معاہدہ کو حتمی شکل دیدی ، چیئرمین مشہود احمد 
اسلام آباد (آئی این پی )چیئرمین پرائم منسٹر یوتھ پروگرام رانا مشہود احمد نے کہا ہے کہ ڈیجیٹل معیشت کو فروغ دیا جا رہا ہے ،اوورسیز پاکستانیوں کی سہولت  کیلئے  ڈیجیٹل والٹ کا اجرا کیا گیا ہے، ڈیجیٹل والٹ کے ذریعے محفوظ طریقے سے رقوم کی منتقلی ہو سکے گی ،ڈیجیٹل والٹ کے ذریعے قانونی طریقے سے 10 لاکھ ڈالر بھیجے جا سکتے ہیں ۔سٹین فورڈ یونیورسٹی پروگرام کی لانچنگ تقریب سے خطاب میں انہوں نے کہا کہ خلیجی ممالک میں مقیم پاکستانیوں کے لیلئے  ڈیجیٹل والٹ متعارف کرایا جا رہا ہے جس کے ذریعے وہ اپنی رقوم قانونی اور محفوظ طریقے سے پاکستان بھیج سکیں گے جس سے غیر قانونی زرِمنتقلی کے ذرائع کا خاتمہ ممکن ہو گا۔انہوں نے کہا کہ خلیجی ممالک میں اوورسیز پاکستانیوں کو بینک اکائونٹس کھولنے میں مشکلات کا سامنا ہے