پنجاب حکومت نے خصوصی افراد کے لیے ایک اہم وظیفہ کا اعلان کیا ہے تاکہ ان کی معاشی اور سماجی حالت بہتر بنائی جا سکے۔
اس اسکیم کے تحت ہمت کارڈ رکھنے والے خصوصی افراد کو ہر تین ماہ بعد ساڑھے 10 ہزار روپے فراہم کیے جائیں گے۔ نابینا افراد کو اس اسکیم کے تحت 12 ہزار روپے دیے جائیں گے، اور ان کی سہولت کے لیے وہیل چیئرز بھی فراہم کی جائیں گی۔اس کے علاوہ، خصوصی افراد اپنا "سپیشل پرسن" شناختی کارڈ بنوا سکتے ہیں، جس سے وہ اس سہولت سے مستفید ہو سکیں گے۔ امداد حاصل کرنے کے لیے، درخواست دہندگان اپنا شناختی کارڈ نمبر 8123 پر میسج کر کے رجسٹریشن کروا سکتے ہیں۔ یہ اسکیم خصوصی افراد کی فلاح و بہبود کے لیے ایک اہم قدم ہے تاکہ انہیں معاشرتی اور معاشی میدان میں مزید مدد فراہم کی جا سکے۔
