شیر کو اپنے دانت دکھاتے دیکھو تو یہ نہ سمجھنا کہ شیر مسکرا رہا ہے: ایرانی وزارت خارجہ

ایرانی وزارت خارجہ کے ترجمان اسماعیل بقائی نے امریکا کے ساتھ جاری کشیدگی کے دوران ایک تازہ بیان جاری کیا ہے، جس میں انہوں نے کہا ہے کہ "شیر کو اپنے دانت دکھاتے ہوئے دیکھو تو یہ نہ سمجھنا کہ شیر مسکرا رہا ہے"۔

اس بیان کا مقصد ممکنہ خطرات یا جارحانہ رویے کو سمجھنے میں محتاط رہنے کی تنبیہ ہے۔ دریں اثنا، تہران کے گورنر محمد صادق نے اعلان کیا ہے کہ 9 مئی سے تہران میں تمام حکومتی وزارتیں اور ادارے 100 فیصد صلاحیتوں کے ساتھ کام کریں گے، جو کہ حکومت کی سرگرمیوں کی بحالی اور معمول پر آنے کا مظہر ہے۔ ادھر، امریکی صدر ڈونلڈ ٹرمپ نے سماجی رابطے کے پلیٹ فارم ایکس پر بتایا ہے کہ امریکا کے تین ڈسٹرائر بحری جہاز کامیابی سے آبنائے ہرمز عبور کر گئے ہیں۔ انہوں نے کہا کہ ان جہازوں پر حملہ بھی کیا گیا تھا مگر کوئی نقصان نہیں پہنچا، اور حملہ آور ایرانی بحری کشتیوں کو امریکا نے تباہ کر دیا۔ انہوں نے ایرانیوں کو بھی خبردار کیا کہ ان کے حملے ناکام رہے ہیں اور امریکا تیار ہے۔