دنیا کے امیر ترین شخص ایلون مسک کو نئی امریکی سیاسی جماعت "امریکا پارٹی" بنانے کا اعلان مہنگا پڑ گیا۔
ان کے اس اعلان کے بعد ٹیسلا کے شیئرز میں شدید کمی دیکھنے میں آئی، جس سے کمپنی کی مجموعی مالیت میں تقریباً 76 ارب ڈالر کی کمی ہو گئی۔برطانوی جریدے دی گارجین کے مطابق پیر کو مارکیٹ کھلتے ہی ٹیسلا کے حصص کی قیمت میں 7.5 فیصد کمی ریکارڈ کی گئی، جس کی بڑی وجہ ایلون مسک کی جانب سے سیاست میں شمولیت کا اعلان ہے۔ سرمایہ کاروں میں یہ تشویش پائی جا رہی ہے کہ اگر مسک کی توجہ کاروبار سے ہٹ کر سیاست پر مرکوز ہو گئی، تو اس سے ٹیسلا کی ترقی متاثر ہو سکتی ہے۔
ٹرمپ کا طنز، مسک کا دفاع
سابق امریکی صدر ڈونلڈ ٹرمپ نے ایلون مسک پر تنقید کرتے ہوئے انہیں "ٹرین ریک" قرار دیا اور کہا کہ وہ مکمل طور پر "پٹڑی سے اتر چکے ہیں"۔اس کے جواب میں ایلون مسک نے اپنے پلیٹ فارم X (سابق ٹوئٹر) پر لکھا:"ہم ایک جماعتی نظام میں جی رہے ہیں، جمہوریت میں نہیں۔ ’امریکا پارٹی‘ آپ کو آپ کی آزادی واپس دلانے کے لیے بنائی گئی ہے۔"
سرمایہ کاروں کی پریشانی
مارکیٹ تجزیہ کاروں کا کہنا ہے کہ ایلون مسک کی مسلسل متنازع سرگرمیاں، جیسے سیاست میں شمولیت، سوشل میڈیا پر سرگرمیاں، اور دیگر کمپنیاں، سرمایہ کاروں کو پریشان کر رہی ہیں۔ یہی وجہ ہے کہ ان کی سیاسی جماعت کے اعلان کے فوراً بعد ٹیسلا کو زبردست مالی نقصان کا سامنا کرنا پڑا۔
