بھارتی ریاست اترپردیش کے علاقے ہرپال پور سے ایک خاتون کے اپنے شوہر اور 6 بچوں کو چھوڑ کر ایک بھکاری کے ساتھ فرار ہونے کی خبر سامنے آئی تھی۔
تاہم، خاتون نے پولیس کو اپنے بیان میں تمام الزامات کو مسترد کیا ہے اور اپنی کہانی بیان کی۔36 سالہ راجیشوری نے بتایا کہ وہ بھکاری کے ساتھ فرار نہیں ہوئی بلکہ اپنے کسی قریبی رشتہ دار کے گھر گئی ہے۔ اس نے یہ بھی کہا کہ وہ اپنے شوہر کے ظلم و ستم سے تنگ آ کر گھر سے بھاگ نکلی تھی کیونکہ اس کا شوہر اسے مارتا پیٹتا تھا۔پولیس نے خاتون کے شوہر کے خلاف مقدمہ درج کر لیا ہے اور تحقیقات کا آغاز کر دیا ہے۔ خاتون کے شوہر 45 سالہ راجو نے کہا تھا کہ اس کی بیوی راجیشوری کبھی کبھار محلے میں بھیک مانگنے والے ایک شخص، 45 سالہ ننھا پنڈت، سے بات کرتی تھی، اور دونوں کے درمیان فون پر بھی بات چیت ہونے لگی تھی۔ راجو کا کہنا تھا کہ 3 جنوری کو راجیشوری نے اپنی بیٹی خوشبو کو بتایا کہ وہ بازار جا رہی ہے لیکن واپس نہیں آئی، اور اس کا شک تھا کہ بھکاری نے اسے اپنے ساتھ لے لیا ہے۔
