دنیا بھر کے مسلمان ماہ رمضان کے استقبال کی تیاریوں میں مصروف ہیں، جبکہ فلکی ماہرین نے رمضان المبارک کے آغاز سے متعلق پیش گوئی جاری کر دی ہے۔
تفصیلات کے مطابق:
ماہ شعبان کے پہلے عشرے کے اختتام پر فلکی ماہرین نے رمضان المبارک کے چاند کی رویت سے متعلق پیش گوئی کی ہے۔ سعودی ایوان شاہی کے مشیر اور سعودی علماء بورڈ کے رکن شیخ عبد اللہ بن سلیمان المنیع نے کہا ہے کہ فلکی حساب کے مطابق سعودی عرب میں پہلا روزہ یکم مارچ کو ہوگا۔
فلکیاتی حسابات کے مطابق:
رمضان المبارک 29 دن کا ہوگا۔
29 مارچ کو آخری روزہ ہوگا۔
30 مارچ کو سعودی عرب میں عید الفطر کا امکان ہے۔
ماہ رمضان کے چاند کی پیدائش سے متعلق بتایا گیا ہے کہ 28 فروری کی رات 3 بج کر 44 منٹ پر چاند کی پیدائش ہوگی۔ تاہم، یکم رمضان المبارک کا باضابطہ اعلان سعودی سپریم کورٹ کرے گی۔پاکستان سمیت دیگر ممالک میں چاند کی رویت مقامی رویت ہلال کمیٹیوں کے مشاہدے پر منحصر ہوگی اور حتمی اعلان چاند دیکھنے کے بعد کیا جائے گا۔
