مودی اور نیتن یاہو کی پالیسیوں میں تشویشناک مماثلت ہے: عاصم افتخار

کشمیری تنہا نہیں ہیں، پاکستان ان کیساتھ مضبوطی سے کھڑا  ہے:پاکستانی مستقل مندوب 
نیویارک (آئی این پی )اقوام متحدہ میں پاکستان کے مستقل مندوب عاصم افتخار نے کہا ہے  بھارتی وزیر اعظم نریندر مودی اور اسرائیلی وزیر اعظم نیتن یاہو کی پالیسیوں میں تشویشناک مماثلت ہے، دونوں مقبوضہ علاقوں میں مقامی آبادی کو جڑ سے اکھاڑنے کی کوششوں میں مصروف ہیں۔ان خیالات کااظہار انہوں نے  یومِ استحصال کشمیر کو 6  برس مکمل ہونے  کے حوالے سے نیویارک میں منعقدہ  تقریب سے خطاب میں کہی۔ جس کا اہتمام اقوام متحدہ میں پاکستان کے مستقل مشن اور نیویارک میں پاکستانی قونصل خانے نے کیا تھا۔سفیر عاصم افتخار احمد نے کہا   خواہ وہ کشمیر ہو یا فلسطین، تاکہ آبادیاتی تناسب کو زبردستی بدلا جا سکے اور عوام کی جائز خواہشات کو دبایا جا سکے۔انہوں نے کہا کہ بھارت آبادیاتی انجینئرنگ، غیر کشمیریوں کو ڈومیسائل دینے اور انتخابی حلقہ بندیوں میں رد و بدل کے ذریعے کشمیری آوازوں کو خاموش کرنے کی کوشش کر رہا ہے۔تاہم اس طرح کے ظالمانہ منصوبے کبھی کامیاب نہیں ہوں گے۔