ملک میں سریے اور سیمنٹ کی تازہ قیمتیں سامنے آگئیں
مارکیٹ ذرائع کے مطابق، ملک میں لوکل سریے کی کم از کم قیمت 2 لاکھ 26 ہزار روپے فی ٹن اور زیادہ سے زیادہ قیمت 2 لاکھ 32 ہزار روپے فی ٹن ریکارڈ کی گئی ہے۔ کراچی میں سریے کی قیمت 2 لاکھ 32 ہزار، لاہور میں 2 لاکھ 28 ہزار، ملتان میں 2 لاکھ 26 ہزار روپے فی ٹن ریکارڈ کی گئی۔ اسلام آباد میں سریے کی فی ٹن قیمت 2 لاکھ 30 ہزار اور فیصل آباد میں 2 لاکھ 26 ہزار روپے ریکارڈ کی گئی۔
برانڈڈ سریے کی مارکیٹ میں کم از کم قیمت 2 لاکھ 44 ہزار فی ٹن اور زیادہ سے زیادہ قیمت 2 لاکھ 54 ہزار فی ٹن ریکارڈ کی گئی۔ نومبر سے اب تک تعمیراتی سریے کی قیمت میں 5 سے 8 ہزار روپے کی کمی آئی ہے۔سال 2024 کے آغاز میں فی ٹن سریے کی قیمت 3 لاکھ 5 ہزار روپے تک پہنچ گئی تھی، تاہم ڈالر کی قدر میں کمی کے بعد تعمیراتی سریے کی قیمت میں سالانہ بنیادوں پر 50 ہزار روپے کی کمی آئی ہے۔
