جس روز فیصلہ ہوا بانی پی ٹی آئی رہا ہو جائیں گے:شبلی فراز

بجلی کی قیمتوں میں کمی  جھوٹ موٹ میں خوش رکھنے کی ایک ناکام کوشش ہے:میڈیا سے گفتگو
    اسلام آباد (آئی این پی)پی ٹی آئی  کے سینئر رہنما  اور سینیٹ  میں  قائد حزب اختلاف  سینیٹر شبلی فراز نے کہا ہے کہ  بانی پی ٹی آئی عمران خان کی رہائی   اسی وقت ہی ممکن ہوگی جبکہ یہ فیصلہ کر لیا جائے کہ ہم نے اس ملک کوآگے لے جانا ہے۔جوڈیشل کمپلیکس اسلام آباد کے باہر  میڈیا سے گفتگو کرتے ہوئے انہوں نے کہا   جوڈیشل کمپلیکس حملہ کیس سیاسی کیس ہے  جس کا نہ سر ہے نہ پیر،  بس ویسے ہی ہمیں مصروف رکھنے کے لیے یہ کیا گیا ہے، ساری دنیا اور  پاکستان کو پتہ ہے کہ بانی پی آئی عمران خان کو سیاسی بنیاد پہ قید کیا گیا ہے۔شبلی فراز نے کہا کہ اور ان کی رہائی اسی وقت ہی ممکن ہوگی جبکہ یہ فیصلہ کر لیا جائے کہ ہم نے اس ملک کو آگے لے جانا ہے، ہم نے اس ملک کو ترقی دینی ہے، ہم نے اس ملک کو اکٹھا رکھنا ہے