شہریوں کی شکایات پر کارروائی، ملزمان کے خلاف سودی قرض ایکٹ کے تحت مقدمات درج کر لئے گئے
لاہور(کرائم رپورٹر) شیراکوٹ پولیس نے سودی کاروبار میں ملوث چار ملزمان کو گرفتار کرلیا۔ ترجمان ڈی آئی جی آپریشنز لاہور کے مطابق کارروائی شہریوں کی جانب سے موصول ہونے والی دو مختلف شکایات پر عمل میں لائی گئی۔ ایک مقدمے میں گرفتار ملزم پطرس عرف سونی مسیح پر سود وصول کرنے کا الزام ہے، جبکہ دوسرے مقدمے میں تین بھائیوں وقار، وسیم اور نعیم کو سود پر رقم دے کر بھاری رقم وصول کرنے کے الزام میں گرفتار کیا گیا۔ پولیس نے ملزمان کے خلاف پنجاب پروہیبیشن آف انٹرسٹ آن پرائیویٹ لونز ایکٹ 2022 کے تحت مقدمات درج کرلیے ہیں اور گرفتاری کے بعد مزید تفتیش جاری ہے۔ ڈی آئی جی آپریشنز فیصل کامران نے کہا کہ سود خوری کے ذریعے شہریوں کا مالی استحصال کسی صورت برداشت نہیں کیا جائے گا اور سود خور عناصر کے خلاف بلاامتیاز کارروائیاں جاری رکھی جائیں گی۔ انہوں نے شہریوں کو سود خوروں کے چنگل میں پھنسنے سے گریز کرنے اور ایسے عناصر کی فوری اطلاع پولیس کو دینے کی اپیل کرتے ہوئے کہا کہ سود خوری کے خاتمے کے لیے شہری پولیس سے تعاون کریں، قانون شکن عناصر کے خلاف کارروائی میں شہریوں کی شکایات اور نشاندہی کو خصوصی اہمیت دی جارہی ہے۔
تازہ ترین
- ڈربن ٹیسٹ: ہیزل ووڈ کی شاندار بولنگ، آسٹریلیا نے جنوبی افریقا کو 214 رنز سے ہرا دیا
- لٹن داس نے ٹیسٹ کرکٹ میں نیا ریکارڈ قائم کر دیا
- ورلڈ ٹی ٹوئنٹی کانٹی نینٹ کپ: پاکستانی اور بھارتی کھلاڑی ایک ٹیم میں شامل
- معزول وزیراعلیٰ خیبر پختونخوا کی بازیابی کے لیے آئینی درخواست دائر
- بانی پی ٹی آئی سے ملاقات کا مقررہ وقت ختم، پارٹی رہنماؤں اور اہل خانہ کو اجازت نہ مل سکی
- حافظ نعیم الرحمان کا پارلیمانی جماعتوں کے سربراہان کو خط، پٹرولیم لیوی مقرر کرنے کا اختیار حکومت سے واپس لینے کا مطالبہ
- پی ٹی آئی کا شو ختم ہوچکا، خیبرپختونخوا میں ایمرجنسی کا فیصلہ عوام کے مفاد میں ہے، فیصل واوڈا
- پنجاب حکومت کا دیہی خواتین کی معاشی ترقی کا پروگرام وسیع کرنے کا فیصلہ
- خیبرپختونخوا میں گورنر راج اور ایمرجنسی کا معاملہ، جے یو آئی نے مرکزی مجلسِ شوریٰ کا اجلاس طلب کرلیا
- لیونل میسی کو بیلن ڈی اور تقریب میں ذمہ داری ملنے کا امکان
