بندرعباس میں زلزلے کے جھٹکے محسوس کیے گئے ہیں، جن کی ابتدائی شدت ریکٹر اسکیل پر 4.1 ریکارڈ کی گئی۔
ابتدائی رپورٹس کے مطابق زلزلے سے تاحال کسی جانی یا مالی نقصان کی اطلاع موصول نہیں ہوئی۔ ایران کے جنوبی علاقے، خاص طور پر بندرعباس، فالٹ لائنز کی وجہ سے زلزلوں کے لحاظ سے حساس سمجھے جاتے ہیں، اس لیے یہاں وقتاً فوقتاً ہلکے یا درمیانے درجے کے زلزلے آتے رہتے ہیں۔ماہرین کے مطابق زمین کی تھرتھراہٹ (Shaking) کو زلزلہ کہا جا سکتا ہے، لیکن روزانہ سیکڑوں زلزلے آتے ہیں جن کی شدت اتنی کم ہوتی ہے کہ انسان محسوس نہیں کر پاتا۔ بہت خطرناک نوعیت کے زلزلے ہی بڑے پیمانے پر تباہی اور اموات کا سبب بنتے ہیں۔
زلزلے کی شدت کا اندازہ عالمی اور مقامی نیٹ ورک کے جمع کردہ ڈیٹا سے لگایا جاتا ہے۔ شدت، گہرائی، دورانیے اور مقام کا تعین تین مختلف پیمائشوں کے موازنہ کے بعد کیا جاتا ہے، اور یہ معلومات اوپن سورس اور آپس میں مربوط نیٹ ورک کے ذریعے دستیاب ہوتی ہیں۔
