امریکی صدر ڈونلڈ ٹرمپ نے سعودی عرب کے ساتھ اپنے تعلقات کی اہمیت پر زور دیتے ہوئے کہا کہ سعودی عرب کے ساتھ ان کے تعلقات بہت اچھے ہیں اور وہ ممکنہ طور پر اگلے ڈیڑھ ماہ میں سعودی عرب کا دورہ کرنے والے ہیں۔
وائٹ ہاوس میں صحافیوں سے گفتگو کرتے ہوئے ٹرمپ نے انکشاف کیا کہ سعودی عرب نے امریکی کمپنیوں کو ایک ٹریلین ڈالر ادا کرنے کی پیشکش کی ہے، جس کے بعد وہ سعودی عرب جانے کا ارادہ رکھتے ہیں۔ٹرمپ نے کہا کہ سعودی عرب نے اس بات پر رضا مندی ظاہر کی ہے اور وہ امریکی کمپنیوں کو مختلف فوجی ساز و سامان، ٹیکنالوجی اور دیگر اشیاء کی خریداری کے لیے بڑی رقم دینے جا رہے ہیں۔ یہ رقم سعودی عرب کے اپنے دفاعی نظام کو مستحکم کرنے اور دوسرے بنیادی ضروریات کے لیے امریکی کمپنیوں کو ادا کی جائے گی۔ اس معاہدے سے امریکی کمپنیوں کو بھی بہت فائدہ ہو گا اور دونوں ممالک کے درمیان اقتصادی تعلقات مزید مستحکم ہوں گے۔ٹرمپ نے اس بات پر زور دیا کہ سعودی عرب کا یہ قدم امریکی کمپنیوں کی ترقی میں اہم کردار ادا کرے گا اور دونوں ممالک کے درمیان کاروباری تعلقات کو مزید بڑھائے گا۔ اس دورے کا مقصد سعودی عرب کے ساتھ اپنے تعلقات کو مزید مستحکم کرنا اور مشترکہ مفادات پر مبنی مختلف شعبوں میں تعاون بڑھانا ہو گا۔
