اسرائیلی فورسز نے غزہ کے مختلف علاقوں میں بمباری کی جس کے نتیجے میں خواتین اور بچوں سمیت 50 فلسطینی شہید ہوگئے۔
عرب میڈیا کی رپورٹس کے مطابق اسرائیل کی جنگی طیاروں نے غزہ کے وسطی علاقے نصیرات میں واقع پناہ گزین کیمپ پر شدید بمباری کی۔ اس حملے میں 6 بچے اور 5 خواتین سمیت 20 افراد شہید ہوئے۔ اس کے علاوہ، شمالی غزہ میں ایک اسپتال پر بمباری کی گئی جس کے نتیجے میں مزید 30 افراد شہید ہوگئے۔اسرائیلی فوج کی یہ کارروائیاں غزہ کے مختلف طبی اور پناہ گزین مراکز کو نشانہ بنا رہی ہیں۔ اسرائیلی حملوں میں گزشتہ سال اکتوبر سے اب تک 44,000 سے زائد فلسطینی شہید ہوچکے ہیں جبکہ ایک لاکھ سے زائد افراد زخمی ہوچکے ہیں۔اس بمباری سے غزہ کی عوام کی حالت بدتر ہوچکی ہے اور صحت کے مراکز بھی ان حملوں کی زد میں ہیں، جس سے امدادی کاموں میں مشکلات پیش آ رہی ہیں۔ اسرائیل کی طرف سے یہ حملے ایسے وقت میں جاری ہیں جب عالمی سطح پر ان پر انسانی حقوق کی خلاف ورزیوں کے حوالے سے شدید تنقید ہو رہی ہے۔
