بابری مسجد کی شہادت کو 32سال مکمل ہوگئے

 نئی دہلی ( آئی این پی )بابری مسجد کی شہادت کو 32سال مکمل ہوگئے۔6 دسمبر 1992کو اتر پردیش کیشہرایودھیا میں انتہا پسند ہندوئوں نے بابری مسجد کو شہید کر دیا تھا،حملہ کرنے والوں کا تعلق بھارتیہ جنتا پارٹی، راشٹریہ سوائم سیوک سنگھ، وشوا ہندو پریشاد اور بجرنگ دل سے تھا۔انتہا پسندوں نے کلہاڑیوں، ہتھوڑوں اور دیگر اوزاروں سے بابری مسجد کو نشانہ بنایا،بابری مسجد کی شہادت کے دوران مسلمانوں کی طرف سے شدید احتجاج اور مزاحمت کی گئی۔فسادات کے نتیجے میں 2 ہزار سے زائد مسلمان شہید جبکہ ہزاروں زخمی ہوئے،بی جے پی رہنما ایل کے ایڈوانی اور منوہر جوشی نے مجمع کو بابری مسجد شہید کرنے کے لئے اشتعال دلایا۔