امریکی صدر ڈونلڈ ٹرمپ کی ایران کو دھمکی کے بعد عالمی منڈی میں خام تیل کی قیمتوں میں اضافہ ریکارڈ کیا جا رہا ہے۔
امریکی خام تیل کی قیمت 2.86 فیصد بڑھ کر 115 ڈالر فی بیرل ہو گئی۔برطانوی خام تیل میں 1.5 فیصد اضافہ ہوا، جو 111 ڈالر فی بیرل پر پہنچ گیا۔ماہرین کا کہنا ہے کہ اگر قیمتیں اسی طرح بڑھتی رہیں تو پاکستان میں تیل کی قیمتوں میں مزید اضافہ کا خدشہ ہے۔دوسری جانب اوپیک ممالک نے مئی کے لیے خام تیل کی پیداوار بڑھانے کا فیصلہ کیا ہے، جس کے مطابق روزانہ دو لاکھ بیرل سے زائد پیداوار میں اضافہ ہوگا۔ سعودی عرب، روس اور دیگر خلیجی ممالک بھی پیداوار بڑھانے کے لیے متفق ہوئے ہیں تاکہ توانائی کی مارکیٹ میں جاری ہلچل کو کم کیا جا سکے۔
