داعش کمانڈر کو پاکستانی اداروں نے سپیشل آپریشن کے دوران گرفتار کیا

 محمد شریف اللہ عرف جعفر کابل ایئرپورٹ حملے کے دوران 13 امریکی فوجی مارنے میں ملوث تھا
اسلام آباد(آئی این  پی)کابل ایئرپورٹ پر حملے کے دوران 13 امریکی فوجی مارنے میں ملوث داعش کمانڈر محمد شریف اللہ عرف جعفر  کو پاکستانی اداروں نے سپیشل آپریشن کے دوران حراست میں لیا۔امریکی صدر ڈونلڈ ٹرمپ نے کابل ایئرپورٹ پر حملے میں ملوث دہشت گرد کی گرفتاری پر پاکستان سے اظہار تشکر کیا ہے۔  پاکستان نے امریکی انٹیلی جنس لیڈ کے بعد افغانستان کے شہری اور سینئر داعش کمانڈر محمد شریف اللہ کو پاک افغان بارڈر ایریا سیگرفتار کیا تھا۔ داعش کمانڈر محمد شریف اللہ 2021  میں کابل ایئرپورٹ پر حملے کا ماسٹر مائنڈ تھا۔صدر ٹرمپ نے امریکی انخلا کے دوران کابل ایئرپورٹ پر حملے کو امریکی تاریخ کا سب سے شرمناک لمحہ قرار دیا۔