ہمیں پنجابی، سندھی، بلوچی کی تفریق نہیں کرنی، ملک کمزور ہوتا ہے مریم نواز

آبادی کے لحاظ سے صوبہ پنجاب سب سے بڑا ہے، اِس کو زیادہ پیسے ملنے کی بات غلط ہے ، آبادی کے لحاظ سے صوبوں کو وفاق سے فنڈز ملتا ہے‘ اچھی گورننس سے بڑھ کر کوئی سیاست نہیں
پنجاب میں سفارش کلچر ختم کردیا  ، یہاں میرٹ پر تقرریاں کی جارہی ہیں، یہاں پچھلے پانچ سال سے یہ برائیاں چل رہی تھیں، پنجاب کا پیسہ یہاں کے عوام پر لگ رہا ہے
ہمارے دروازے دوسرے صوبوں کیلئے کھلے ہیں، ملک کا مستقبل آپ نوجوانوں کے ہاتھ میں ہے: نیشنل ورکشاپ بلوچستان کے شرکاء￿  سے ملاقات کے موقع پر گفتگو
لاہور(سپیشل رپورٹر)وزیراعلیٰ پنجاب مریم نواز نے کہا ہے  ہمیں پنجابی، سندھی بلوچی کی تفریق نہیں کرنی، اِس سے ملک کمزور ہوتا ہے۔صوبائی دارالحکومت میں نیشنل ورکشاپ بلوچستان کے شرکاء￿  سے ملاقات کے موقع پر گفتگو کرتے ہوئے مریم نواز کا کہنا تھا کہ آپ سے مل کر خوشی ہوئی، بلوچ طلبہ ہمارے مہمان ہیں، جب مجھے معلوم ہوا  آپ ملنا چاہ رہے ہیں تو میں نے فوراً میٹنگ کا کہا۔اْنہوں نے کہا  آبادی کے لحاظ سے صوبہ پنجاب سب سے بڑا ہے، اِس کو زیادہ پیسے ملنے کی بات غلط ہے ، آبادی کے لحاظ سے صوبوں کو وفاق سے فنڈز ملتا ہے‘وزیراعلیٰ پنجاب کا کہنا تھا کہ اچھی گورننس سے بڑھ کر کوئی سیات نہیں، میں نے کبھی کسی دوسرے صوبوں کے طلبہ میں تفریق نہیں کی ، ہمیں پنجابی ، سندھی بلوچی کی تفریق نہیں کرنی، اِس سے ملک کمزور ہوتا ہے، پنجاب کے تعلیمی اداروں میں تمام صوبوں کے بچے پڑھتے ہیں۔مریم نواز نے کہا کہ پنجاب میں سفارش کلچر ختم کردیا ہے ، یہاں میرٹ پر تقرریاں کی جارہی ہیں، یہاں پچھلے پانچ سال سے یہ برائیاں چل رہی تھیں، بلا تفریق عوام کی خدمت پر یقین رکھتے ہیں، پنجاب کا پیسہ یہاں کے عوام پر لگ رہا ہے۔صوبے کے ایسے علاقے بھی ہیں جہاں کئی کئی روز کسی جرم کی اطلاع نہیں ملتی، سی سی ڈی کی کارروائیوں کے باعث ہراسانی کے واقعات میں بھی واضح کمی ہوئی ہے، سی سی ڈی نے جو کام کیا اْس کی مثال نہیں ملتی ، خواتین کو محفوظ ماحول فراہم کرنا ترجیح ہے ‘انہوں نے کہا  اپنا گھر سکیم کے تحت روزانہ کی بنیاد پر 500 گھر تعمیر ہورہے ہیں ،اب تک 65 ہزار گھر بن چکے ہیں ہمارے دروازے دوسرے صوبوں کے لیے کھلیں ہیں، ملک کا مستقبل آپ نوجوانوں کے ہاتھ میں ہے۔