ٹی ٹوئنٹی ورلڈکپ: آسٹریلیا کو پیٹ کمنز کے بعد ایک اور دھچکا، اہم بولر سے محروم

آسٹریلیا کے کپتان مچل مارش نے کہا ہے کہ ٹیم ابتدائی میچز کے لیے مکمل طور پر تیار ہے اور اگلے مراحل کے لیے اسکواڈ کی ضرورت کے مطابق کوئی فیصلہ کیا جائے گا۔

واضح رہے کہ پیٹ کمنز انجری کے باعث ورلڈ کپ سے باہر ہوچکے ہیں، جبکہ مچل اسٹارک ٹی ٹوئنٹی انٹرنیشنل کرکٹ سے ریٹائر ہو چکے ہیں۔ اس صورتحال کے باعث 2011 کے بعد یہ پہلا موقع ہوگا کہ کسی ورلڈ کپ میں آسٹریلیا کے ’بگ تھری‘ فاسٹ بولرز شامل نہیں ہوں گے۔اس وقت آسٹریلوی اسکواڈ میں صرف زیویئر بارٹلیٹ اور بین ڈوارشیئس مکمل فٹ فاسٹ بولرز ہیں، جبکہ شان ایبٹ ریزرو کے طور پر موجود ہیں۔ نیتھن ایلس اور ٹم ڈیوڈ کی دستیابی پر بھی نظر رکھی جا رہی ہے، اور کرکٹ آسٹریلیا کا کہنا ہے کہ دونوں گروپ مرحلے کے لیے دستیاب ہوں گے۔

فاسٹ بولرز کی کمی کے باعث آسٹریلیا ابتدائی میچز میں اسپن بولنگ پر زیادہ انحصار کرے گا، جس میں ایڈم زیمپا، میتھیو کوہنیمن اور کوپر کونولی اہم کردار ادا کریں گے۔ کپتان مچل مارش نے کہا کہ اسکواڈ میں موجود آل راؤنڈرز کی بدولت ٹیم متوازن ہے اور حالات کے مطابق ترکیب ترتیب دی جائے گی۔

آسٹریلیا کا اسکواڈ:
مچل مارش (کپتان)، زیویئر بارٹلیٹ، کوپر کونولی، ٹم ڈیوڈ، بین ڈوارشیئس، کیمرون گرین، نیتھن ایلس، ٹریوس ہیڈ، جوش انگلیس، میتھیو کوہنیمن، گلین میکسویل، میتھیو رینشا، مارکس اسٹوئنس، ایڈم زیمپا

ٹریولنگ ریزرو:
شان ایبٹ