کشمیر محض زمین کا ٹکڑا نہیں، حقِ خودارادیت کا مقدمہ ہے، حمزہ شہباز

 بھارتی سنگینیں جسموں کو تو زخمی کر سکتی ہیں، مگر آزادی کی تڑپ کو کبھی قید نہیں کر سکتیں
 کشمیر میں دہائیوں سے جاری ظلم و ستم نے پوری انسانیت کو شرمندہ کر دیا :سابق وزیراعلی
لاہور(آئی این پی )سابق وزیراعلی پنجاب اور مسلم لیگ  ن کے  نائب صدر حمزہ شہباز شریف نے کہا ہے کہ کشمیر محض زمین کا ایک ٹکڑا نہیں بلکہ کروڑوں  انسانوں کے بنیادی حقِ خودارادیت کا مقدمہ ہے۔یومِ اظہارِ یکجہتی کشمیر پر اپنے پیغام میں حمزہ شہباز شریف نے کہا کہ بھارتی سنگینیں کشمیریوں کے جسموں کو تو زخمی کر سکتی ہیں، مگر ان کے دلوں میں موجزن آزادی کی تڑپ کو کبھی قید نہیں کر سکتیں، جب تک کشمیری عوام کو اقوامِ متحدہ کی قراردادوں کے مطابق ان کا جائز حق نہیں دیا جاتا، خطے میں پائیدار امن کا خواب کبھی شرمند تعبیر نہیں ہو سکتا