لاہور سمیت پنجاب کے مختلف علاقوں میں5.1شدت کا زلزلہ

 ٹوبہ ٹیک سنگھ، ننکانہ صاحب، کھاریاں، وزیر آباد، دینہ، سرائے عالمگیر، کالا باغ  میں بھی جھٹکے
زلزلے  کا مرکز کھاریاں کے قریب اور گہرائی 15 کلومیٹر تھی‘شہری خوفزدہ‘گھروں سے نکل آئے
 لاہور(آ ئی این پی‘مانیٹرنگ ڈیسک) لاہور، گجرات اور جہلم سمیت پنجاب کے مختلف علاقوں میں زلزلے کے جھٹکے محسوس کیے گئے۔زلزلے کے جھٹکے ٹوبہ ٹیک سنگھ، ننکانہ صاحب، کھاریاں، وزیر آباد، دینہ، سرائے عالمگیر، کالا باغ اور گردونواح میں بھی محسوس کیے گئے۔زلزلہ پیما مرکز کے مطابق زلزلے کی شدت 5.1 ریکارڈ کی گئی اور اس کا مرکز کھاریاں کے قریب اور گہرائی 15 کلومیٹر تھی۔زلزلے سے لوگوں میں خوف و ہراس پھیل گیا اور شہری کلمہ طیبہ کا ورد کرتے گھروں اور عمارتوں سے باہر آگئے۔فوری طور پر کسی جانی ومالی نقصان کی اطلاع نہیں ملی۔