وزیر اعظم شہبازشریف کی انتھونی البانیز کو دوسری مدت کے لیے آسٹریلیا کا وزیرِاعظم منتخب ہونے پر مبارکباد

اسلا م آباد(آئی این پی ) وزیر اعظم شہباز شریف نے آسٹریلیا کے وزیر اعظم انتھونی البانیز کو دوبارہ منتخب ہونے پر مبارکباد پیش کی ہے۔سماجی رابطوں کی سائٹ پر اپنے ٹوئٹ میں انہوں نے کہا کہ دعاگو ہیں کہ آسٹریلیا کے عوام کی خدمت کا یہ سلسلہ جاری رہے۔وزیر اعظم نے کہا کہ وہ وزیر اعظم انتھونی کے ساتھ مل کر دونوں ملکوں کے تعلقات کو مزیدمستحکم بنانے اورامن،ترقی اور علاقائی تعاون کے اپنے مشترکہ عزم کے لئے مل کرکام کرنے کے خواہش مند ہیں۔