زیارت سے اغواء ہونے والے پولیس آفیسر سمیت 3 افراد بازیاب

21 مئی کو ملزموںنے کوئلے سے لوڈ پانچ ٹرکوں کو نذر آتش کیا ‘ لوگوں کو اغواء کرکے ساتھ لے گئے تھے
 زیارت(یواین پی)بلوچستان کے ضلع زیارت کے قریب مانگی سے دو ہفتے قبل اغواء کئے گئے چار میں سے تین افراد بازیاب ہوگئے۔ تفصیلات کے مطابق ایس پی زیارت طلال شاہ نے بتایا کہ 21مئی کو کچھ ہرنائی روڈ پر مانگی کے مقام پر نامعلوم افراد نے کوئلے سے لوڈ پانچ ٹرکوں کو نذر آتش کیا۔ ایس پی زیارت کے مطابق اس دوران ملزمان پولیس آفیسر مسعود خان پانیزئی سمیت دو افراد اشرف خان پانیزئی اور جاوید پانیزئی کو مانگی سے جبکہ ایک شخص ملک شین گل ترین کو ناکس سے گن پوائنٹ پر اغواء کرکے اپنے ساتھ لے گئے تھے