ملک کے بیشتر علاقوں میں موسم سرد اور خشک جبکہ شمالی علاقوں میں شدید سردی کی توقع ہے۔
پنجاب کے میدانی علاقوں اور بالائی سندھ میں صبح اور رات کے اوقات میں دھند چھانے کا امکان ظاہر کیا گیا ہے۔
لاہور کا موسم اور فضائی آلودگی:
محکمہ موسمیات کے مطابق لاہور کا موجودہ درجہ حرارت 13 ڈگری سینٹی گریڈ ریکارڈ کیا گیا ہے، جو کم سے کم 9 اور زیادہ سے زیادہ 23 ڈگری سینٹی گریڈ تک جا سکتا ہے۔ آئندہ 24 گھنٹوں میں بارش کی کوئی پیشگوئی نہیں کی گئی۔شہر کی فضائی آلودگی کی صورتحال بدستور تشویشناک ہے، جہاں ایئر کوالٹی انڈیکس (AQI) کی مجموعی شرح 229 ریکارڈ کی گئی ہے۔ امریکی قونصلیٹ کے علاقے میں AQI 292، ویلنسیا ٹاؤن میں 252، اور غازی روڈ انٹرچینج پر 250 ریکارڈ کی گئی ہے۔
اس کے نتیجے میں لاہور پاکستان کے آلودہ ترین شہروں کی فہرست میں بدستور پہلے نمبر پر ہے۔
دیگر شہروں کا موسم:
اسلام آباد اور خیبرپختونخوا: موسم سرد اور خشک رہے گا، جبکہ شمالی اضلاع میں شدید سردی کی پیشگوئی ہے۔
پنجاب: لاہور، شیخوپورہ، قصور، گوجرانوالہ، فیصل آباد، ملتان، اور دیگر علاقوں میں صبح اور رات کے وقت دھند چھائے رہنے کا امکان ہے۔
بلوچستان: بیشتر اضلاع میں موسم سرد اور خشک رہے گا۔
سندھ: سکھر، کشمور، جیکب آباد، اور گردونواح میں دھند یا سموگ کی توقع ہے۔
کشمیر اور گلگت بلتستان: موسم سخت سرد اور خشک رہے گا، خاص طور پر صبح اور رات کے اوقات میں۔
احتیاطی تدابیر:
فضائی آلودگی کے باعث شہری غیر ضروری باہر نکلنے سے گریز کریں اور ماسک استعمال کریں۔سرد موسم میں گرم کپڑوں کا استعمال کریں اور دھند کے دوران ڈرائیونگ کرتے وقت محتاط رہیں۔شمالی اور سرد علاقوں میں رہنے والے گرمائش کے انتظامات یقینی بنائیں۔
