اسحاق ڈار کی ترک ہم منصب سے ملاقات، مختلف امورپر تبادلہ خیال

  پاکستان اور ترکیہ کے مابین سیاسی، اقتصادی اور دفاعی شعبوں میں تعاون کو وسعت دینے کا عزم 
استنبول (آئی این پی )نائب وزیراعظم و وزیر خارجہ اسحاق ڈار نے استنبول میں ترکیے کے وزیر خارجہ ہاکان فیدان سے ملاقات کی۔ملاقات میں پاکستان اور ترکیہ کے مابین سیاسی، اقتصادی اور دفاعی شعبوں میں تعاون کو مزید وسعت دینے کے عزم کا اظہار کیا ہے  جبکہ فلسطین کے مسئلے پر مشترکہ موقف  جاری رکھنے پر بھی اتفاق کیا گیا۔دفتر خاریہ کے مطابق یہ ملاقات غزہ کے معاملے پر عرب و اسلامی وزرائے خارجہ کے رابطہ اجلاس کے موقع پر ہوئی جس میں شرکت کے لیے اسحاق ڈار  استنبول پہنچے تھے، دونوں وزرائے خارجہ نے دوطرفہ تعلقات کی مثبت پیش رفت پر اطمینان ظاہر کیا اور سٹریٹجک شراکت داری مزید مضبوط بنانے پر اتفاق کیا۔