نیشنل ہائی وے اتھارٹی (NHA) نے موٹر ویز پر نان ایم ٹیگ اور کم بیلنس والی گاڑیوں پر ٹول ٹیکس میں 50 فیصد اضافے کا اعلان کر دیا ہے۔
نئے ٹول چارجز کا نوٹیفکیشن جاری کر دیا گیا ہے اور اس کا اطلاق 15 جون سے ہوگا۔
نئے نوٹیفکیشن کے مطابق:
اسلام آباد سے لاہور موٹروے پر نان ایم ٹیگ یا کم بیلنس والی کار پر ٹول ٹیکس 1800 روپے ہوگا۔لاہور سے عبدالحکیم تک نان ایم ٹیگ یا کم بیلنس کار کے لیے ٹول ٹیکس 1200 روپے مقرر کیا گیا ہے۔پنڈی بھٹیاں سے ملتان موٹروے پر نان ایم ٹیگ یا کم بیلنس کار کا ٹول ٹیکس 1600 روپے ہوگا۔ملتان سے سکھر تک نان ایم ٹیگ یا کم بیلنس کار پر ٹول ٹیکس 1800 روپے ہوگا۔ڈی آئی خان سے ہقلہ موٹروے پر نان ایم ٹیگ یا کم بیلنس کار سے 1000 روپے وصول کیے جائیں گے۔حسن ابدال سے مانسہرہ ایکسپریس وے پر نان ایم ٹیگ یا کم بیلنس کار کے لیے نیا ٹول ٹیکس 450 روپے مقرر کیا گیا ہے۔
ٹریکٹر ٹرکوں کے لیے بھی نئے چارجز مقرر کیے گئے ہیں:
لاہور سے اسلام آباد 2 اور 3 ایکسل ٹرک کے لیے نیا ٹول ٹیکس 7900 روپے ہوگا۔نان ایم ٹیگ یا کم بیلنس آر ٹی کیولیٹڈ ٹرک سے 10200 روپے ٹول ٹیکس وصول کیا جائے گا۔نیشنل ہائی وے اتھارٹی کا کہنا ہے کہ یہ اضافے کا مقصد ایم ٹیگ کے استعمال کو فروغ دینا ہے تاکہ ٹول ٹیکس کی ادائیگی آسان اور شفاف ہو سکے۔ شہریوں کو ہدایت کی گئی ہے کہ وہ 15 جون تک اپنی گاڑیوں میں ایم ٹیگ لگوائیں اور بیلنس کو یقینی بنائیں تاکہ اضافی چارجز سے بچ سکیں۔
اہم نوٹ: نان ایم ٹیگ یا کم بیلنس گاڑیوں پر یہ اضافی چارجز موٹروے استعمال کرنے والوں پر نافذ کیے جا رہے ہیں، جو کہ ایم ٹیگ سسٹم کی افادیت اور تیزی سے ادائیگی کے عمل کو بہتر بنانے کے لیے ضروری سمجھا جا رہا ہے۔شہریوں کو ہدایت کی گئی ہے کہ وہ جلد از جلد ایم ٹیگ حاصل کریں تاکہ ٹول ٹیکس کی اضافی ادائیگی سے بچ سکیں۔
