ویب ڈیسک: ایجبسٹن ٹیسٹ میچ میں بھارت کے نوجوان بلے باز اور کپتان شبھمن گل نے نہ صرف 269 رنز کی شاندار اننگز کھیل کر انگلینڈ کے خلاف فتح کی بنیاد رکھی، بلکہ بھارتی کرکٹ کی تاریخ میں کئی ریکارڈز توڑ کر اپنا نام سنہری حروف میں درج کروا لیا۔
شبھمن گل کے اہم اعزازات اور ریکارڈز:
سب سے بڑی ٹیسٹ اننگز برطانیہ میں:
گل نے سنیل گواسکر کا 1979 میں دی اوول پر بنایا گیا 221 رنز کا ریکارڈ توڑ دیا۔ اب وہ 269 رنز کے ساتھ انگلینڈ میں بھارتی بلے باز کی سب سے بڑی ٹیسٹ اننگز کے مالک ہیں۔
WTC میں سب سے زیادہ اسکور:
انہوں نے ویرات کوہلی کا ورلڈ ٹیسٹ چیمپئن شپ میں سب سے زیادہ رنز بنانے کا ریکارڈ بھی توڑ دیا۔
ڈبل سنچری کا اعزاز:
شبھمن گل نے ٹیسٹ اور ون ڈے دونوں فارمیٹس میں ڈبل سنچری اسکور کر کے سچن ٹنڈولکر، سہواگ، روہت شرما اور ویرات کوہلی جیسے بڑے کھلاڑیوں کی صف میں جگہ بنا لی۔
بیرون ملک ٹیسٹ میں ڈبل سنچری بنانے والے دوسرے بھارتی کپتان:
وہ ویرات کوہلی کے بعد دوسرے بھارتی کپتان بنے جنہوں نے بیرون ملک ٹیسٹ میں ڈبل سنچری اسکور کی۔
سب سے کم عمر بھارتی کپتان (ڈبل سنچری کے ساتھ):
25 سال اور 298 دن کی عمر میں وہ نواب پٹودی کے بعد سب سے کم عمر بھارتی کپتان بن گئے جنہوں نے یہ سنگ میل عبور کیا۔
پہلے دو ٹیسٹ میں سینچری بنانے والے:
گل اُن 7 ٹیسٹ کھلاڑیوں میں شامل ہو گئے ہیں جنہوں نے اپنے ابتدائی 2 میچز میں سینچری بنائی۔ اس فہرست میں ویرات کوہلی اور سنیل گواسکر جیسے نام شامل ہیں۔
سیریز کے دونوں میچز میں سینچری:
انہوں نے سیریز کے دونوں ٹیسٹ میچوں میں سینچری اسکور کر کے وجے ہزاری اور محمد اظہرالدین کے بعد تیسرے بھارتی کپتان ہونے کا اعزاز حاصل کیا جنہوں نے انگلینڈ کے خلاف یہ کارنامہ انجام دیا۔
