قطر میں غزہ جنگ بندی مذاکرات‘حماس رہنمائوں کو ذاتی اسلحہ حوالے کرنے کا حکم

لندن(مانیٹرنگ ڈیسکغزہ جنگ بندی پر اسرائیل اور ثالثوں سے مذاکرات کے لیے موجود حماس کی سینیئر قیادت کو اپنا ذاتی اسلحہ ساتھ لانے سے روک دیا گیا۔اس بات کا دعویٰ برطانوی اخبار دی ٹائمز نے اپنی ایک خصوصی رپورٹ میں ذرائع کے حوالے سے کیا۔حماس کے جن رہنماؤں کو ہتھیار رکھنے سے منع کیا گیا ان میں خلیل الحیہ (مذاکراتی وفد کے سربراہ)، ظاہر جبارین (مالی امور کے انچارج) اور محمد اسماعیل درویش (مذہبی کونسل کے سربراہ) شامل ہیں۔اپنی حفاظت کے لیے ذاتی اسلحہ رکھنے سے روکنے کا فیصلہ امریکی دباؤ کا نتیجہ قرار دیا جا رہا ہے تاکہ غزہ میں جنگ بندی معاہدہ طے پاسکے۔