سی بی ڈی نیا سالِ سر بلندی2025کا لوگو اور ڈاکیومنٹری جاری

لاہور (کرائم رپورٹر)سی بی ڈی پنجاب نے سال نو2025کو ''سالِ سر بلندی 2025 کے نام دیا ہے اور اس سلسلے میں سالِ سر بلندی2025کا لوگو اور ڈاکیومنٹری جاری کر دی۔ یہ اقدام 2024 کی شاندار کامیابیوں کا جشن منانے کے ساتھ ساتھ ایک پْرعزم اور تبدیلی کے سال کے آغاز کی علامت ہے۔ڈاکیومنٹری کا اجرا سی ای او سی بی ڈی عمران امین اور سی او او بریگیڈئیر (ر) منصور جنجوعہ نے کیا۔ اس ڈاکیومنٹری میں سی بی ڈی پنجاب کی غیرمعمولی پیش رفت کو اجاگر کیا گیا ہے۔ اس میں فلیگ شپ منصوبوں جیسے این ایس آئی ٹی سٹی اور لاہور گلوبل ولیج کی بنیاد رکھنے کی تقریبات، زمین آرکس اور ہائی-کیو سی بی ڈی ٹاور جیسے انقلابی منصوبوں کی رونمائی، اور گرینڈ سوق لاہور کی مارکیٹنگ اور ایڈمنسٹریٹو حقوق کی فراہمی شامل ہیں۔ یہ کامیابیاں سی بی ڈی پنجاب کی جدت، ترقی اور پائیدار شہری منصوبہ بندی کے عزم کی عکاسی کرتی ہیں۔