روس کے شہر ریازان میں گورنر پاویل مالکوو نے ایک نیا حکم جاری کیا ہے جس کے تحت بڑی کمپنیوں کو اپنے ملازمین میں سے فوجی سروس کے لیے امیدوار نامزد کرنے کی پابندی کی گئی ہے۔
کمپنیوں کے سائز کے مطابق نامزدگی:150 تا 300 ملازمین والی کمپنیوں کو کم از کم 2 افراد نامزد کرنے ہوں گے۔
300 تا 500 ملازمین والی کمپنیوں کو 3 افراد۔
500 یا اس سے زائد ملازمین والی کمپنیوں کو کم از کم 5 افراد۔
حدف اور اطلاق: یہ ہدایات تمام نجی اور سرکاری اداروں پر لاگو ہوں گی۔ کمپنیوں کو 20 ستمبر تک امیدواروں کی فہرست جمع کرانی ہوگی۔ فی الحال مقررہ تعداد پوری نہ کرنے پر واضح سزا کا ذکر نہیں کیا گیا، تاہم مقامی قانون کے تحت صدارتی احکامات میں رکاوٹ ڈالنے والی کمپنیوں کو 1,000,000 روبل تک جرمانہ ہو سکتا ہے۔
فوجی سروس کی نوعیت: نامزد افراد روسی فوج میں “کنٹریکٹ کے تحت فوجی سروس” کے امیدوار ہوں گے۔ بظاہر یہ رضاکارانہ بنیاد پر ہے، لیکن کنٹریکٹ سسٹم یوکرین جنگ کے دوران فوجی بھرتیوں کا ایک اہم ذریعہ رہا ہے۔
روس یوکرین جنگ میں بھاری نقصانات کے بعد مزید فوجی اہلکار حاصل کرنے کی کوششیں تیز کر رہا ہے۔2025ء میں 420,000 افراد نے فوجی کنٹریکٹس پر دستخط کیے، لیکن بڑی شہری آبادیوں میں بھرتی کی رفتار کم رہی۔اس حکم سے کمپنیوں کے مالکان بھی عملی طور پر فوجی بھرتی کے نظام کا حصہ بن گئے ہیں، جسے مبصرین غیر اعلانیہ متحرک فوجی تیاری قرار دے رہے ہیں۔
