ٹرمپ نے اٹارنی جنرل کو برطرف کر دیا‘آرمی چیف مستعفی

 پام بونڈی کی جگہ سابق ذاتی وکیل ٹوڈ بلانچ کو قائم مقام اٹارنی جنرل مقرر کردیا گیا
واشنگٹن(مانیٹرنگ ڈیسک) امریکی صدر ڈونلڈ ٹرمپ نے اپنی قریبی اتحادی اور اٹارنی جنرل پام بونڈی کو عہدے سے برطرف کر دیا ہے۔رائٹرز کے مطابق یہ فیصلہ بونڈی کی کارکردگی اور جنسی مجرم جیفری ایپسٹین کے کیس سے متعلق تنازعات کے بعد سامنے آیا۔ پام بونڈی کی جگہ سابق ذاتی وکیل ٹوڈ بلانچ کو قائم مقام اٹارنی جنرل مقرر کیا گیا ہے، جس سے ظاہر ہوتا ہے کہ صدر ٹرمپ محکمہ انصاف پر اپنی گرفت مضبوط کرنا چاہتے ہیں۔ذرائع کے مطابق برطرفی کے دو اہم عوامل تھے: ایک، ایپسٹین کیس سے متعلق لاکھوں صفحات پر مشتمل ریکارڈ کی ریلیز میں مبینہ بدانتظامی؛ اور دوسرا، صدر ٹرمپ کی مایوسی کہ بونڈی ان کے سیاسی مخالفین کے خلاف فوری قانونی کارروائی نہیں کر رہی تھیں۔