ذوالفقارعلی بھٹو کی آج برسی‘ملک کو آئین اور سیاسی ڈھانچہ دیا آصف علی زرداری

 سپریم کورٹ نے 6 مارچ 2024 کو ذوالفقار علی بھٹو کے مقدمے میں غیر منصفانہ ٹرائل کی تصدیق کی:صدر کا بھٹو کی برسی پر پیغام
اسلام آباد(  آن لائن ) صدرِ مملکت نے 4 اپریل 2026 کو سابق وزیرِ اعظم اور پاکستان پیپلز پارٹی کے بانی  شہید ذوالفقار علی بھٹو کی 47ویں برسی پر پیغام جاری کیا۔ صدر نے کہا  ذوالفقار علی بھٹو کی زندگی 4 اپریل 1979 کو جنرل ضیاء￿  الحق کے مارشل لا دور میں ناحق ختم  کر دی گئی۔صدر نے ذوالفقار علی بھٹو کی قیادت کو پاکستان کی سیاسی تاریخ میں مرکزی مقام دینے کے ساتھ 1973 کے آئین  کی منظوری اور ملک کے آئینی اور سیاسی ڈھانچے میں ان کے اہم کردار کو اجاگر کیا۔پیغام میں مزید کہا گیا  تقریباً نصف صدی بعد سپریم کورٹ آف پاکستان نے 6 مارچ 2024 کو فیصلہ دیا  ذوالفقار علی بھٹو کو منصفانہ ٹرائل اور قانونی تقاضے فراہم نہیں کیے گئے۔پیغام میں  محترمہ بینظیر بھٹو اور بیگم نصرت بھٹو  کی قربانی اور جدوجہد کو بھی یاد کیا گیا، جنہوں نے سیاسی جبر، قید و بند اور جلاوطنی کے باوجود جمہوری تحریک اور آئینی نظام کی بحالی کے لیے اپنی زندگی وقف کی۔صدر نے زور دیا کہ قانون کی حکمرانی اور انصاف کی فراہمی کو غیر جانبدار اور منصفانہ بنانا اداروں کی مستقل ذمہ داری ہے، اور یہی اصول جمہوریت کی مضبوطی اور عوام کے اداروں پر اعتماد کے لیے ناگزیر ہیں۔