وزیر اطلاعات و ثقافت عظمی بخاری کا عید کے موقع پر تھیٹرز پر چھاپوں کا معاملہ: غیر اخلاقی گانوں پر ڈانس دیکھ کر برہم، مغیث بن عزیز کی سرزنش
وزیر اطلاعات و ثقافت عظمی بخاری نے عید کے دوران تھیٹرز پر چھاپوں کے دوران غیر اخلاقی گانوں پر رقص کا سخت نوٹس لیا اور پنجاب آرٹس کونسل کے ڈائریکٹر ڈراما مغیث بن عزیز کی شدید سرزنش کی۔ انہوں نے مغیث بن عزیز کو اس معاملے پر وضاحت دینے کا حکم دیا کیونکہ سنسر ریہرسل کے دوران غیر اخلاقی گانوں اور فحش رقص کی اجازت دی گئی تھی۔
عظمی بخاری نے مزید کہا کہ مغیث بن عزیز اور متعلقہ ٹیم کو فوری طور پر اپنے آفس طلب کیا جائے اور ان سے جواب طلب کیا جائے۔ اطلاعات کے مطابق مغیث بن عزیز اور سنسر ٹیم نے رشوت لے کر غیر اخلاقی گانوں کی اجازت دی۔ اس کے علاوہ، مغیث بن عزیز کے خلاف بوگس ترقیوں کے الزام میں اینٹی کرپشن پنجاب میں انکوائری بھی جاری ہے۔
