وفاقی وزیر منصوبہ بندی و ترقی احسن اقبال نے ایکسپو سینٹر کراچی میں جاری میری ٹائم ایکسپو کی افتتاحی تقریب سے خطاب کرتے ہوئے کہا ہے کہ اگر ترقی کا سفر جاری رہتا تو پاکستان دنیا کی ساتویں بڑی معیشت بن سکتا تھا۔
انہوں نے اس موقع پر کہا کہ پاکستان نے سمندری شعبے میں بہت ترقی کی ہے اور اس شعبے میں مزید کام کرنے کی ضرورت ہے تاکہ ملک کی اقتصادی ترقی کو فروغ دیا جا سکے۔احسن اقبال کا کہنا تھا کہ پاکستان کا محل وقوع اسے دنیا میں منفرد بناتا ہے کیونکہ یہ وسطی ایشیا، جنوبی ایشیا اور مشرق وسطیٰ کے درمیان ایک اہم تجارتی حب بن سکتا ہے۔ انہوں نے اس بات پر زور دیا کہ پاکستان مختلف شعبوں میں سرمایہ کاروں کے لیے پُرکشش جگہ ہے، خاص طور پر توانائی، آئی ٹی، اور معدنیات کے شعبوں میں سرمایہ کاری کے بے پناہ مواقع موجود ہیں۔
انہوں نے مزید کہا کہ حکومت پورٹ قاسم سمیت تمام بندرگاہوں کو جدید بنانے کے لیے اقدامات کر رہی ہے تاکہ پاکستان کو دنیا کے لیے ایک اہم سمندری ٹریڈ روٹ کے طور پر قائم کیا جا سکے۔ احسن اقبال نے اس موقع پر یہ بھی کہا کہ پاکستان کی سمندری حیاتیات کے تحفظ کے لیے مزید کام کرنا ضروری ہے تاکہ ماحولیاتی توازن برقرار رہ سکے۔
