برطانیہ کے شہر ہارٹلی پول میں ایک شہری نے محض فائرفائٹرز کو دیکھنے کے شوق میں اپنے فلیٹ کو جان بوجھ کر آگ لگا دی۔
یہ واقعہ گلیمس واک کے علاقے میں پیش آیا، جہاں 33 سالہ جوشوا بین نے اپنے فلیٹ کے دروازے کے سامنے ٹوائلٹ پیپر کو آگ لگا کر فائرفائٹرز کو طلب کیا۔ بعد میں اس نے دعویٰ کیا کہ وہ اندر پھنس گیا تھا۔ فائرفائٹرز نے بروقت کارروائی کرتے ہوئے آگ پر قابو پایا اور جوشوا کو بچایا۔ تحقیقات سے معلوم ہوا کہ آگ جان بوجھ کر لگائی گئی تھی۔عدالت نے جوشوا بین کو دو سال چھ ماہ قید کی سزا سنائی اور اس کے عمل کو انتہائی خطرناک اور غیر ذمہ دارانہ قرار دیا۔ یہ واقعہ اس بات کی نشاندہی کرتا ہے کہ بعض افراد نفسیاتی مسائل یا دیگر وجوہات کی بنا پر اس طرح کے خطرناک اقدامات اٹھا لیتے ہیں جو نہ صرف اپنی بلکہ دوسروں کی زندگیوں کو بھی خطرے میں ڈال سکتے ہیں۔
