ہنجروال سے اغواء ہونے والی 4 سالہ بچی زینب کو پولیس نے بازیاب کرا لیا ہے جبکہ اس واقعے میں ملوث خاتون ملزمہ کو بھی گرفتار کر لیا گیا ہے۔
ڈی آئی جی انویسٹی گیشن سید ذیشان رضا نے بچی کے اغواء کا فوری نوٹس لیتے ہوئے ایس پی انویسٹی گیشن سدرہ خان کی قیادت میں ایک خصوصی ٹیم تشکیل دی تھی جو کارروائی میں مصروف تھی۔
پولیس کارروائی اور بچی کی بازیابی
پولیس ٹیم نے جدید ٹیکنالوجی اور ہیومن انٹیلی جنس کی مدد سے ملزمہ کا سراغ لگا کر اسے گرفتار کیا۔بچی زینب کو بحفاظت بازیاب کروا لیا گیا ہے۔ایس پی انویسٹی گیشن سدرہ خان کے مطابق ملزمہ نے بچی کو اس وقت اغواء کیا تھا جب وہ گھر کے باہر کھیل رہی تھی۔بچی کے والد نے تھانہ ہنجروال میں اغواء کا مقدمہ درج کروایا تھا۔
والدین کا شکریہ
بچی کی محفوظ بازیابی پر زینب کے والدین نے پولیس کی انویسٹی گیشن ٹیم کا شکریہ ادا کیا ہے جنہوں نے فوری اور مؤثر کارروائی کر کے بچی کو واپس لایا۔
آئندہ کارروائی
ایس پی سدرہ خان نے کہا ہے کہ ملزمہ کے خلاف مضبوط چالان تیار کیا جائے گا اور اسے قانون کے مطابق سخت سے سخت سزا دی جائے گی تاکہ ایسے جرائم کی روک تھام ہو سکے۔
