پاکستان کرکٹ بورڈ (پی سی بی) نے ایک تاریخی قدم اٹھاتے ہوئے پاکستان مینز کرکٹ ٹیم کی پہلی خاتون منیجر حنا منور کو مقرر کر دیا ہے۔
حنا منور، جو ایک تجربہ کار پولیس افسر ہیں، نے اپنی کیریئر میں چیمپئنز ٹرافی اور دیگر اہم سیریز میں سکیورٹی اور آپریشنز میں کامیابی حاصل کی ہے۔حنا منور کو یہ ذمہ داری 19 فروری سے شروع ہونے والی پاکستان کی سہ ملکی سیریز کے لیے دی گئی ہے، جو کراچی میں کھیلا جائے گی۔ حنا منور سوات کے علاقے سے تعلق رکھتی ہیں اور فرنٹیئر کانسٹیبلری میں اپنے تجربات کی بنا پر یہ عہدہ حاصل کرنے والی ہیں۔ وہ پی سی بی میں شمولیت سے قبل مختلف سکیورٹی اور قانون نافذ کرنے والے اداروں میں خدمات انجام دے چکی ہیں، اور ان کا یہ سفر پی سی بی میں شامل ہونے کے بعد مزید کامیاب ہوا۔حنا منور کو گزشتہ سال پاکستان ویمنز انڈر 19 سکواڈ کے لیے بھی منیجر مقرر کیا گیا تھا، اور وہ پی سی بی میں اس وقت بھی کام کر رہی ہیں جب وہ پاکستان پولیس سروس میں ملازمت جاری رکھے ہوئے ہیں۔
چیئرمین پی سی بی محسن نقوی نے ان کو ڈیپوٹیشن پر بورڈ میں لایا ہے، جس سے یہ ثابت ہوتا ہے کہ ان کی خدمات اور تجربہ پی سی بی کے لیے اہمیت رکھتا ہے۔حنا منور کی تقرری کرکٹ شائقین اور میڈیا میں تجسس کا باعث بن گئی ہے، خاص طور پر اس لیے کہ وہ پہلی خاتون ہیں جو پاکستان مینز کرکٹ ٹیم کی منیجر کے طور پر تعینات ہوئی ہیں، اور اس سے نہ صرف خواتین کی کرکٹ میں ان کی اہمیت بڑھے گی بلکہ دیگر شعبوں میں بھی خواتین کے لیے ایک نیا راستہ کھلے گا۔
