پاکستانی اداکار عمر شہزاد اور ماڈل اہلیہ شانزے لودھی کے عمرہ کے دوران محبت کا اظہار سوشل میڈیا پر تنازع بن گیا ہے۔
تفصیلات کے مطابق، عمر شہزاد، جو ایک معروف ٹی وی اداکار اور سابق فیشن ماڈل ہیں، حال ہی میں اپنی اہلیہ شانزے لودھی کے ساتھ دوبارہ عمرہ کی ادائیگی کے لیے گئے۔ دونوں کو مسجد الحرام میں طواف کرتے ہوئے دیکھا گیا، جہاں عمر شہزاد نے شانزے لودھی کا ہاتھ تھامے رکھا اور شانزے نے ان کے کندھے پر ٹیک لگائی ہوئی تھی۔سوشل میڈیا صارفین نے اس انداز پر شدید ناراضگی کا اظہار کیا اور کہا کہ یہ مقدس مقام ہے، نہ کہ رومانس کی جگہ۔ کئی صارفین نے لکھا کہ اگرچہ محبت ظاہر کرنے میں کوئی حرج نہیں، لیکن مقدس مقامات پر اس طرح کا اظہار مناسب نہیں۔ ایک صارف نے لکھا:"یہ عمرہ ہے یا ہنی مون؟ ہمیں سمجھ نہیں آ رہی۔"ایک اور صارف نے کہا:"ہم جانتے ہیں آپ ایک دوسرے سے محبت کرتے ہیں، لیکن رومانس کے لیے کمرہ استعمال کریں۔"عمر شہزاد اور شانزے لودھی کا یہ اقدام سوشل میڈیا پر بحث کا موضوع بن گیا، جہاں ایک طرف مداحوں نے انہیں تنقید کا نشانہ بنایا، وہیں کچھ لوگ جوڑے کی محبت اور ساتھ رہنے کو خوش آئند قرار دے رہے ہیں۔اس واقعے نے شوبز شخصیات کی زندگی اور مقدس مقامات پر ان کے رویے پر عوامی ردعمل کی اہمیت کو دوبارہ اجاگر کیا ہے۔
