کوئٹہ میں سکیورٹی خدشات کے پیش نظر موبائل انٹرنیٹ سروس آج دوسرے روز بھی معطل ہے۔
ذرائع کے مطابق، شہر میں موبائل فون پر انٹرنیٹ سروس منگل کی شب معطل ہوئی تھی، جس سے شہریوں کو شدید پریشانی کا سامنا ہے۔ یہ تیسری بار ہے جب گزشتہ دو تین ہفتوں کے دوران موبائل فون پر انٹرنیٹ سروس کو معطل کیا گیا ہے، اور یہ عموماً احتجاجی مواقع پر معطل کی جاتی ہے۔ذرائع کا کہنا ہے کہ موبائل انٹرنیٹ سروس سکیورٹی کی صورتحال کے باعث معطل کی گئی ہے تاکہ کسی بھی ناخوشگوار صورتحال سے بچا جا سکے۔ شہریوں کی زندگی متاثر ہو رہی ہے کیونکہ انہیں انٹرنیٹ کی کمی کی وجہ سے روزمرہ کے کاموں میں مشکلات پیش آ رہی ہیں۔
