پنجاب کے سرکاری سکولوں میں تعلیم کے ساتھ سبزیاں اگانا لازمی قرار

سبزیوں کی کاشت اور دیکھ بھال کے لئے سکول کا ذمہ دار شخص مقرر ،ہیڈ ماسٹرز ہدایت پر سختی سے عملدرآمد یقینی بنائیں گے:محکمہ تعلیم
لاہور(آئی این پی ) سرکاری اسکولوں میں تعلیم کیساتھ ساتھ اب سبزیاں بھی اگانا ہوں گی۔محکمہ تعلیم   پنجاب نے اسکولوں کے سربراہوں کو سخت ہدایات پر مبنی مراسلہ جاری کردیا۔محکمہ تعلیم کے مراسلے میں کہا گیا ہے کہ تعلیمی اداروں میں موسمی سبزیوں کی کاشت یقینی بنائی جائے، سبزیوں کی کاشت اورب دیکھ بھال کے لئے اسکول کا ذمہ دار شخص مقرر کیا جائے۔محکمہ تعلیم کے مطابق جن اسکولوں میں تسلی بخش پیداوار نہیں ہوئی، وہاں دوبارہ کاشت کی جائے اور کاشت کی گئی سبزیوں کو بروقت پانی دیا جائے جب کہ سبزیوں کی دیکھ بھال اور نگہداشت کی تصاویر روز شیئر کی جائیں۔محکمہ تعلیم کی جانب سے جاری مراسلے میں کہا گیا ہے کہ تمام اسکولوں کے ہیڈ ماسٹرز ہدایت پر سختی سے عملدرآمد یقینی بنائیں گے۔