نیپال میں سیلاب : ہلاکتوں کی تعداد 1000 سے تجاوز کر گئی، ہزاروں لاپتہ

 600 سے زیادہ کارکن دریائے ترشولی کے کنارے سرنگوں میں پھنسے ہوئے ہیں
 ایک امدادی ٹیم ایک سرنگ میں داخل ہوئی، وہاں کسی شخص کو نہ پانے کے بعد واپس آ گئی
کٹھمنڈو(آئی  این پی )نیپال میں تبت کی سرحد کے قریب آنے والے تباہ کن سیلاب سے ہلاکتوں کی تعداد ایک ہزار سے تجاوز کر گئی  ۔ ملک کے ڈیزاسٹر مینجمنٹ ادارے کے مطابق ہزاروں افراد اب بھی لاپتہ ہیں۔حکام کے مطابق 3,900 سے زائد افراد لاپتہ ہیں، جن میں 600 سے زیادہ ایسے کارکن بھی شامل ہیں جن کے بارے میں خیال ہے کہ وہ دریائے ترشولی کے کنارے پن بجلی کے منصوبوں میں موجود مٹی سے بھرے سرنگوں کے وسیع نیٹ ورک میں پھنسے ہوئے ہیں۔ان سرنگوں میں ہوا پہنچانے کے لیے انجینیئرز پمپس استعمال کر رہے ہیں۔ ایک امدادی ٹیم ایک سرنگ میں داخل ہونے میں کامیاب بھی ہوئی، تاہم وہاں کسی شخص کو نہ پانے کے بعد ٹیم واپس آ گئی۔بی بی سی سے گفتگو کرتے ہوئے 33 سالہ انجینیئر اوروس بھنڈاری کی اہلیہ انوشیلا بھنڈاری نے کہا کہ میری خواہش ہے کہ ہم انھیں تلاش کر سکیں