عمران‘ بشریٰ کے ساتھ ناروا سلوک ہورہا:پختونخوا اسمبلی

 بانی چیئرمین کو اخبارات اور ٹی وی تک رسائی نہیں: قرارداد، اپوزیشن کی مخالفت 
 پشاور (خصوصی رپورٹ) خیبرپختونخوا اسمبلی میں بانی پی ٹی آئی عمران خان اور ان کی اہلیہ کیساتھ جیل میں ناروا سلوک کے خلاف قرارداد کثرت رائے سے منظور کرلی گئی جبکہ اپوزیشن اراکین نے اس کی مخالفت کی ہے۔پیر کوتحریک انصاف کے رکن آصف محسود نے ایوان میں قرارداد پیش کی جس میں کہا گیا کہ بانی پی ٹی آئی اور ان کی اہلیہ کے ساتھ غیر قانونی اور انسانی حقوق کے خلاف رویہ اپنایا جارہا ہے۔قرارداد میں کیا گیا کہ بانی چیئرمین کو اخبارات اور ٹی وی تک رسائی حاصل نہیں جبکہ دونوں کو بنیادی سہولیات بھی نہیں دی جارہیں۔ قرارداد کی اپوزیشن اراکین نے مخالفت کی تاہم عددی اکثریت کی وجہ سے حکومت کثرت رائے سے اس کو منظور کروانے میں کامیاب ہوگئے۔