ایلون مسک، جو دنیا کے امیر ترین شخص ہیں، نے اپنے سوشل میڈیا پلیٹ فارم 'ایکس' (سابقہ ٹوئٹر) پر اپنا نام تبدیل کر کے "Kekius Maximus" رکھ لیا ہے، جس نے مختلف قیاس آرائیاں اور مباحثے شروع کر دیے ہیں۔
"Kekius" لفظ ممکنہ طور پر "kek" سے نکلا ہے، جو آن لائن گیمنگ کلچر میں زیادہ تر زور سے ہنسنے کے مترادف ہے اور اب اسے دائیں بازو کے انتہا پسند نظریات سے بھی جوڑا جاتا ہے۔ "Kek" قدیم مصری دیوتا کا نام بھی ہے، جسے اندھیرے کا دیوتا مانا جاتا ہے اور اسے عموماً مینڈک کے سر کے ساتھ دکھایا جاتا ہے۔ایلون مسک نے اپنے نام کی تبدیلی کے بارے میں کوئی وضاحت فراہم نہیں کی، لیکن اس اقدام نے کرپٹو کرنسی کی مارکیٹ میں ہلچل مچا دی ہے۔ رپورٹس کے مطابق، 'میم کوائن' کی قیمت میں زبردست اضافہ ہوا ہے، جو انٹرنیٹ میمز سے متاثر ہے اور اس کا تعلق "Kekius Maximus" سے ہے۔
ایلون مسک کی سوشل میڈیا پر سرگرمیاں ماضی میں بھی کرپٹو کرنسی کے نرخوں پر اثرانداز ہو چکی ہیں۔ اس سے قبل، انہوں نے 'ٹوئٹر' کا نام تبدیل کرکے 'ایکس' رکھ دیا تھا، یہ تبدیلی انہوں نے 2022 میں 44 ارب ڈالرز میں ٹوئٹر خریدنے کے بعد کی تھی۔ایلون مسک کے 'ایکس' اکاؤنٹ پر 210 ملین سے زیادہ فالوورز ہیں، اور اس نئی تبدیلی نے کرپٹو مارکیٹ میں مزید اتار چڑھاؤ پیدا کیا ہے۔
