پاکستان آنے والے سال 2026 کے لیے شنگھائی تعاون تنظیم (ایس سی او) کے سربراہان مملکت کونسل کی صدارت سنبھالے گا۔
یہ اہم پیش رفت شنگھائی تنظیم کے اجلاس کے اعلامیے پر دستخط کی تقریب کے دوران ہوئی، جو کرغزستان کے دارالحکومت بشکیک میں منعقد ہوئی۔اعلامیے کے مطابق، پاکستان 2026 تک اس تنظیم کی سربراہان مملکت کونسل کی صدارت کرے گا، جس پر وزیراعظم شہباز شریف نے دستخط کیے۔ یہ عزم پاکستان کی علاقائی سطح پر بڑھتی ہوئی اہمیت اور تنظیم کے اجلاس میں ملک کے فعال کردار کی نشاندہی کرتا ہے۔اسی دوران، وزیر خارجہ اسحاق ڈار نے ازبکستان کے وزیر خارجہ بختیار سعیدوف سے ملاقات بھی کی، جو ایس سی او کونسل آف ہیڈز آف اسٹیٹ کے اجلاس کے موقع پر ہوئی۔ترجمان دفتر خارجہ کے مطابق، اسحاق ڈار اور ازبک وزیر خارجہ نے پاکستان اور ازبکستان کے درمیان بڑھتی ہوئی دو طرفہ شراکت داری کے عزم کا اعادہ کیا۔ دونوں رہنماؤں نے باہمی دلچسپی کے تمام شعبوں میں تعاون کو مزید مضبوط بنانے اور پاک-ازبک تعلقات کو مستحکم کرنے پر اتفاق کیا۔یہ اہم اقدامات خطے میں پاکستان کے کردار کو مزید مضبوط بنانے اور علاقائی تعاون کے فروغ کے لیے اہم سنگ میل ہیں، جو دونوں ممالک کے مابین اقتصادی، سیاسی اور سلامتی کے شعبوں میں تعاون کو بڑھانے کا سبب بنیں گے۔
