بس، ویگن میں تصادم، 14 جاں بحق، 29 زخمی

جھنگ میں افسوسناک حادثہ، ویٹرنری یونیورسٹی کی بس لاہور آرہی تھی،لاشیں ،زخمی ہسپتال منتقل، متعدد کی حالت نازک
جھنگ(مانیٹرنگ ڈیسک)جھنگ کے علاقے قلی فقیر کے قریب ویٹرنری یونیورسٹی کی بس اور ویگن میں خوفناک تصادم کے نتیجے میں 14 افراد جاں بحق اور 29 زخمی ہوگئے۔ریسکیو ذرائع کے مطابق ویٹرنری یونیورسٹی کی بس لاہور آ رہی تھی جو سامنے سے آنے والی ویگن سے ٹکرا گئی۔ ویگن ٹریکٹر ٹرالی کو اوور ٹیک کرتے ہوئے بس سے ٹکرا گئی۔ٹریفک کے خوفناک حادثے میں 29 افراد زخمی بھی ہوئے جنہیں ابتدائی طبی امداد کے بعد ڈی ایچ کیو اسپتال منتقل کر دیا گیا۔